Türkiyə və İran müştərək sənaye bölgəsi yaratmağı qərara alıb.

“APA-ECONOMICS”in Türkiyə mətbuatına istinadən xəbərinə görə, məsələ İran prezidentinin xüsusi nümayəndəsi Əli Ağa Məhəmmədinin Türkiyəyə səfəri zamanı müzakirə olunub.

İranlı qonağı qəbul edən Türkiyənin sənaye və ticarət naziri Nihat Ergün sənaye bölgəsinin yeri ilə bağlı qərarın bu ay veriləcəyini açıqlayıb. İyulun 16-da Türkiyədə, sonunda isə Urmiyada toplantı keçiriləcəyini deyən N.Ergün müştərək bölgənin nə vaxt istismara veriləcəyinin isə dəqiqləşmədiyini bildirib.

Nazir müştərək sənaye bölgəsinin yeri olaraq Türkiyənin İqdır, Ağrı, Hakkari-Yüksekova və Van bölgələrinin nəzərdən keçirildiyini qeyd edib.