İyulun 5-6-da İranın Mədəniyyət və İslam Maarifləndirilməsi naziri Məhəmməd Hüseyninin rəhbərlik etdiyi nümayəndə heyəti Azərbaycana gələcək.

İyulun 5-6-da İranın Mədəniyyət və İslam Maarifləndirilməsi naziri Məhəmməd Hüseyninin rəhbərlik etdiyi nümayəndə heyəti Azərbaycana gələcək. Mədəniyyət və Turizm Nazirliyinin mətbuat katibi Zöhrə Əliyevanın APA-ya verdiyi məlumata görə, səfərin əsas məqsədi Azərbaycan və İran İslam Respublikası arasında mədəniyyət sahəsində gələcək əməkdaşlıq perspektivlərinin və digər məsələlərin müzakirə edilməsidir. Nümayəndə heyətində İranın musiqi qrupu da təmsil olunacaq. Səfər çərçivəsində nümayəndə heyəti iyulun 5-də Fəxri Xiyabanı və Şəhidlər Xiyabanını ziyarət edəcək. Daha sonra mədəniyyət və turizm naziri Əbülfəs Qarayevlə görüş və mətbuat konfransının keçirilməsi və İran musiqi qrupunun iştirakı ilə Beynəlxalq Muğam Mərkəzində konsertin təşkili nəzərdə tutulur.